Тәрбие жұмыстары

Бастауышта оқыту әдістемесі кафедрасы

Мамандығым  - мақтанышым атты іс-шараға қатысу сәті.

   

Бастауышта оқыту әдістемесі кафедрасы

Мамандығым  - мақтанышым атты іс-шараға қатысу сәті.

     

 

 

ОҢТҮСТІК ҚАЗАҚСТАН МЕМЛЕКЕТТІК ПЕДАГОГИКАЛЫҚ УНИВЕРСИТЕТІ

«БАСТАУЫШТА ОҚЫТУ ӘДІСТЕМЕСІ КАФЕДРАСЫ»

ХАТТАМА №

 Ашық сабақ: Дебат, дискуссия

 Өтілу түрі: дебат, дисскуссия

 Тақырыбы: Көптілді меңгеру –жас маманның

 бәсекелестік қабілетінің арттыру  факторы

 Қатысқандар: 4 курс студенттері

Кафедра мәжілісіне қатысқандар: Кафедра меңгерушісі,  қатысу парағы бойынша, кафедра мүшелері, ОПҚ құрамы.

СӨЗ АЛДЫ: Кафедра меңгерушісі Г.Б.Таутаева  Қазақстан Республикасын­дағы білім беруді дамытудың 2011-2020 жылдарға арналған мемлекеттік бағдарламасы ҚР Пре­зидентінің 2010 жылғы 7 жел­тоқсандағы №1118 Жар­лығы­мен бекітілгені белгілі. Ел экономика­сының орнықты дамуы үшін сапалы білімнің қолжетімділігін қамтамасыз ету арқылы адами капиталды дамыту, білім­нің бәсекеге қабілеттілігін арт­тыру -  бағдарламаның  негізгі мақсаты. Орындалуға тиісті бағдарламалық мақсаттар да айқындалған. Бағдарламалық мақсаттардың ішінде өзекті болып саналатын техникалық және кәсіптік білім беру  жүйесін жаңғыртуға  қол жеткізу, педагог мамандығы­ның беделін көтеру. Аталған мемлекеттік бағдарлама талаптары екі кезеңде іске асырылады: бірінші кезең  2011 - 2015 жылдарды, екінші кезең 2016 - 2020 жылдарды қамтиды, сондықтан да алға қойылған мақсаттарға жету үшін білім беру жүйесін жоғары білікті кадрлармен қамтамасыз етуден бастау керек сапасы, бірінші кезекте, сапалы даярлығы бар оқытушылармен айқындалады.

СӨЗ АЛДЫ: п. ғ., докторы Амангелды Жапбаров: Әлемде қанша ұлт, нәсіл болса, соларды бір-бірінен даралап тұратын басты бойтұмары – туған тілі. «Әр халықтың ана тілі – білімнің кілті»,- деп Ахмет Жұбанов тілдің адамзат өміріндегі маңызын аша түскен «Адамзаттың Айтматовы» атанған, әлем әдебиетіндегі көрнекті жазушы Шыңғыс Айтматовтың мына бір пікірі: «Тіл – халықтың автопортреті. Әр тіл - өз орнында ұлы, әр тіл - бүкіл адамзат қазынасының ортақ палитрасындағы өз өрнегімен қымбат»,-деп ана тілінің ұлылығын дәлелдей түседі Ана тілінің құдіреті жайлы қаншама ойшылдарымыз, ақын-жазушыларымыз құнды пікірлер қалдырды. Осынау бабаларымыз сөйлеп, даналарымыз толғап, аналарымыз әлдилеп өскен қазақ тілінің еліміздің болашағының көркеюіне зор ықпал етуде.
«Қазақстанның болашағы – қазақ тілінде. Қазақ тілі 2025 жылға қарай өмірдің барлық саласында үстемдік етіп, кез-келген ортада күнделікті қатынас тіліне айналады. Осылай тәуелсіздігіміз бүкіл ұлтты ұйымдастыратын ең басты құндылығымыз – туған тіліміздің мерейін үстем ете түседі»

Қорытынды: Факультет деканы Э.Б.Оразбаева: Бүгінгі білім беру жүйесі модернизацияланған заманда көп тілді меңгертуге аса назар аударылып, жан-жақты жол ашылған. «Келешекке кемел біліммен»,-деп Елбасы Н.Ә.Назарбаев ұстаным еткендей, келшекке терең біліммен қадам басып, әлемдік білім кеңістігінің құпияларына үңіліп, қоғамға бейім, өз қабілетін таныта алатын, жан-жақты дамыған, бірнеше тілді меңгерген құзіретті тұлғаны қалыптастыру басты мақсаттардың бірегейі болып отыр.
          Үштілді оқыту – заман талабы.     Үштілділік – бәсекеге қабілетті елдер қатарына апарар басты баспалдақтардың бірі.«Үштілділік - нақты тұлға, ұжым, халықтың белгілі бір қоғамда қарым-қатынас үдерісінде қажет болған жағдайда үш түрлі тілді алма-кезек қолдану құбылысы»,-«Өзге тілдің бәрін біл, өз тіліңді құрметте»,-деп ақын жырлағандай, өз тілінде еркін сөйлеп, өз тілін құрметтейтін тұлғаны баулысақ, өзге тілді қадірлейтін тұлғаны баулитынымызға көз жеткіземіз. Елбасы Н.Ә.Назарбаев «Қазақстан -2050 » стратегиясында мұғалімдерге сенім арта отырып, жастарымыздан үміттенеді. «Болашақта еңбек етіп, өмір сүретіндер бүгінгі тандағы студенттер,  мұғалім оларды қалай тәрбиелесе, Қазақстан да сол деңгейде болады. Сондықтан да ұстазға жүктелетін міндет ауыр»- делінгендей жастарды сауатты баулысақ болашағымыздың жарқын болатыны белгілі. «Мен сөзімді, әсіресе, жастарымызға арнағым келеді. Мен сіздерге – жаңа буын қазақстандықтарға сенім артамын. Сіздер Жаңа бағыттың қозғаушы күшіне айналуға тиіссіздер. Ал кейінгі толқын жастарға айтарым: Сендер – болашаққа деген үкілі үмітіміздің тірегісіңдер»,-деген жолдарда жастарымызға деген үміт пен сенім жатыр. Сондықтан да жастарымыздың болашағы үшін әлемдік деңгейдегі зияткерлік мектептер мен кәсіптік-техникалық колледждер ашылып, «Болашақ» бағдарламасының негізінде олардың шетелге шығып білім алуына жан-жақты жол ашылған. Үштілділіктің маңызын түсіне білген жанның еліміз үшін болашақтағы алары да, берері де мол. «Біз ағылшын тілін игеруде серпіліс жасауымыз керек. Қазіргі әлемнің осы  «лингва франкасын» меңгеру біздің еліміздің әрбір азаматына өмірдегі шексіз жаңа мүмкіндіктерді ашады деп  сөзін қорытындылады.

          Қорытындылап дауысқа салайық, Үштілділік қазіргі қоғамда керек пе?

Қалыс қалғандар жоқ.Барлық мәжіліске қатысушылар қолдады.Ал ашық сабаққа келер болсақ.:

СӨЗ АЛДЫ: Кафедра меңгерушісі Г.Б.Таутаева: Жас маман кафедраға енді қосылған магистр оқытушы Мирзакулова Айгерим Толебекқызының өткізілген ашық сабағына  бірауыздан «қанағаттанарлық» деп баға береміз, және бұдан да жоғары белестерді бағындырып, биік шыңға өрлеуіне тілектеспіз.  

  
 

Кафедра меңгерушісі:                        Г.Б.Таутаева

 Хатшы:                                                   С.Сапарбаева

 

 

Жақында «Мемлекеттік тіл – Қазақстан халықтарын біріктіретін тіл» тақырыбындағы 22-қыркүйек күнгі Қазақстан халықтарының тілдері мерекесіне арналған 5В010200-Бастауышта оқыту педагогикасы мен әдістемесі мамандығының  1 курстың 102-87  тобы студенттерінің ұйымдастырған дөңгелек үстел болып өтті. Мемлекеттік тіл – Қазақстан халықтарын біріктіретін тіл екендігі жайында ой пікірлермен бөлісті. Дөңгелек үстелге Жапонияның  тумасы Яско Конго қатысты. Ол Киото қаласында ағылшын тілі мұғалімі мағандығы бойынша жоғары білім алып, Мацуе деген қаладағы жоғары мектебінде еңбек еткенін, өзінің белгілі Қуандық Түменбай жазушының келіні болатынын айта келіп, жапон тілі мен қатар қазақ, орыс, ағылшын тілдерін қалай еркін меңгергендігі жайлы айтты.

Қазақ жігітіне тұрмысқа шыққан Яско өмірге келетін баласы қазақ ұлты болады деген мақсатта қазақ тілін меңгеруге қалай күш жігерін салып үйренгенін әңгімелеп берді. Яско өз сөзінде «Мен қазақ елінің келінімін. Мен қазақ елімді сүйемін, құрмет тұтамын. Мемлекеттік тіл қазақ тілді білу менің парызым деп білемін. Өйткені ұлымды қазақша тәрбиелеуім керек болды» - дейді қонағымыз.

Бастауышта оқыту педагогикасы мен әдістемесі кафедрасының меңгерушісі Таутаева Гүлдариға Бақытжанқызы  «Қазақстанды бүкіл әлем халқы үш тілді бірдей пайдаланатын жоғары білімді мемлекет ретінде тануы керек. Олар: қазақ тілі – мемлекеттік тіл, орыс тілі – ұлтаралық қарым-қатынас тілі және ағылшын тілі – жаһандық экономиканы ойдағыдай түсіну тілі. Дәлірек айтқанда, үштұғырлы тіл идеясын мынадай әрі қарапайым, әрі түсінікті формуламен көрсетуге болады: мемлекеттік тілді дамытамыз, орыс тілін қолдаймыз және ағылшын тілін үйренеміз», - деп үштұғырлы тіл идеясын дамыту үшін мемлекет тарапынан еліміздің әр азаматына көптеген жағдайлар жасалынғанын атап өтті.

Қатысушы студенттер арасынан да өз пікірлерімен бөліскен студенттер үштұғырлы тіл идеясын қолдап, өздері де ізденіспен заман талабына сай маман болу қажеттілігін атап өтті. Дөңгелек үстелді қортындылай келе топ тәлімгері Үсенбаева Салтанат Сейтханқызы қонағымыздан халық әнін орындауды сұрады. Студенттермен бірге «Бір бала» әні орындалды.

  

 

Тәрбие жұмыстары

        Бастауышта оқыту әдістемесі кафедрасында тәрбие жұмыстары 8 бағыт бойынша жүргізіледі:

                   І. Ұйымдастыру және жоспарлау

                   II. Патриоттық сананы қалыптастыру

                   III. Рухани-адамгершілік даму

                   IV. Этносаралық толеранттылық пен қоғамдық келісімге тәрбиелеу

                   V. Құқықтық тәрбие

                   VІ.Салауатты өмір салтын қалыптастыру

                   VІI. Жастар бастамаларын қолдау

                   VIII. Ақпараттық-насихаттау жұмысы

      Апта сайын кестеге сәйкес әр топта топ тәлімгерлері студенттердің тәртіптеріне, оқу-үлгерімдеріне байланысты тәрбие сағаттарын өткізіп отырады. Сонымен қатар студенттер осы бағыттар бойынша іс-шаралар өткізеді. Студенттердің шығармашылық қабілеттерін дамытып,көп ұлттық мәдениетті жаңғырту мақсатында түрлі клубтар мен үйірмелерде іс-шаралар ұйымдастырылады.

 

 

Факультетаралық ''Жайдарман'' көңілді тапқырлар клубы сайысы өтті.

 

 

 

 

''Ынтымағы жарасқан, туған өлкем – Қазақстан''

4.04.2016ж. Бастауышта оқыту әдістемесі мен Мектепке дейінгі тәрбие және дефектология кафедралары ұйымдастыруымен  «Ынтымағы жарасқан, туған өлкем – Қазақстан» тақырыбында танымдық кеш өткізілді. Кешке облыстық өзбек этномәдени бірлестігінің төрағасы Икрам Хашимжанов, шешен-ингуш этномәдени бірлестігінің төрайымы Саждат Ахметова, «Ақысқа» түрік этномәдени бірлестігі төрағасының орынбасары Ибрахим Түрки қатысып, баяндама жасады. Ал  институт студенттері  әр түрлі ұлттардың тарихымен таныстырып,олардың  салт-дәстүрі мен мәдениетін паш етті. Кеш қонағы,  облыстық өзбек этномәдени бірлестігінің төрағасы Икрам Хашимжанов бүгінгі таңда өңірімізде 130-ға жуық этнос өкілдерінің ынтымақ пен бірлікте өмір сүріп жатқанын Елбасы саясатының нәтижесі деп бағалайтындығын атап өтті. «Тұғырымыз – тыныштық, тірегіміз – тұрақтылық!» дей келе, ҚР Президенті Н.Ә.Назарбаевтың  «Әлем. XXI ғасыр» Манифестінің  жердегі тыныштық пен бейбітшілікке, толеранттылыққа бағыттайтын ерекшелігіне, бірлікке, саяси-экономикалық тұрақтылықтың басты әрі негізгі кепілі ретіндегі құндылығына тоқталды. Ал  «Ақысқа» түрік этномәдени бірлестігі төрағасының орынбасары Ибрахим Түрки де елімізде тату-тәтті тұрып жатқан ұлттар мен ұлыстардың ең басты байлығы бірлік пен достық туралы өлеңін оқып берді, өз кітаптарын институт кітапханасына сыйлады.

 

  

 

"Өз тағдырым-өз қолымда"

        26.01.2016ж. №2 студенттер жатақханада  102-15,102-25 оқу топтарының ұйымдастыруымен "Өз тағдырым-өз қолымда" атты дөңгелек үстел өтті. Іс-шараға Облыстық ішкі саясат және дін істері "Әлеуметтік бастамалар басқармасы орталығы" бөлім басшысы Медет Халықов мырза қатысты. Сонымен қатар, Бастауыш білім факультетінің деканы Оразбаева Э.Б., Бастауышта оқыту әдістемесі кафедрасының меңгерушісі Ибашова А.Б. және ОПҚ құрамы қатысты. 

        Іс-шара барысында 102-15 оқу тобының студенті Ғалыбек Айгерім мен 102-25 оқу тобының студенті Аралбекова Сандуғаш жастар арасында белең алған қоғамның өзекті дерті - суицид жайында, онымен күресу турасында, ата-аналар мен балаларының арасындағы тыңғылықты тәрбие беру көздері жайлы, жастар мен қоршаған орта арасындағы өзекті мәселелер туралы баяндама оқыды. Медет Халықов мырза да өзекті мәселелер турасында, нақтырақ айтсақ терроризм, суициттің түрлері турасында ой қозғап, дінмен байланыстыра отырып пікірін жеткізді. Тәжірибелі маман, ұлағатты ұстаз, аяулы ана атанып отырған апайларымыз бен арнайы шақырылған қонақтардың тағылымды пікірлері жастарға ой сала білді.

«Тәуелсіздік тірегім» тәрбие сағаты.

102-12 оқу тобының 16 желтоқсан тәуелсіздік күніне арналған «Тәуелсіздік тірегім» атты тақырыпта студенттер арасында пікірталас өткізілді. Пікірталастың өзегі болған мәселе бойынша әуелі баяндама оқылып, сол баяндама негізіндегі тақырып бойынша топта қызу пікірталас өткізілді.

Баяндаманың негізгі мазмұны: Тәуелсіздік жолында күрескен аға-апаларымыздың ерлігін кейінгі ұрпаққа үлгі ете отырып, жастарды ұлтжандылыққа, отанын сүюге тәрбиелеу. 1986 жылғы Желтоқсан оқиғасының тарихи мағынасын ашып, студенттер қызу талқыға салды.  Пікірталас студенттер арасында қызу тартысты өтті.