Тілдік дайындық бөлімі

Кылышбаев Арман Диханович

Тілдік дайындық бөлімінің басшысы

            2016-2017  оқу  жылында ҚР БжҒМ  №517  (19.08.2016ж.)  бұйрығына сәйкес Оңтүстік Қазақстан мемлекеттік педагогикалық университетінде Тілдік дайындық бөлімі ашылды. «Кешкі оқыту және дайындық» факультетіндегі дайындық бөлімінің басшысы аға оқытушы, магистр Қылышбаев Арман Диханович. ҚРБҒМ 2017 жылдың 28 қыркүйегіндегі №489 бұйрығына сәйкес 2017-2018 оқу жылында жоғары оқу орындарының дайындық бөлімінде тілдік деңгейін арттыру үшін оқитын 104 тыңдаушы университеттің тілдік дайындық   бөліміне қабылданды. Олар, Жоғары оқу орындарының дайындық  бөлімдері тыңдаушыларының тілдік дайындық деңгейін арттыру бойынша оқытуға (Қазақстаннан)–64 тыңдаушы қабылданса, Дайындық бөлімінің тыңдаушыларын даярлау бойынша ҚР азаматтары болып табылмайтын ұлты қазақ  – 40 тыңдаушы қабылданды. 2018-2019 оқу жылында 56-тыңдаушы қабылданды. 2019-2020 оқу жылы 55-тыңдаушы білім алуда.

         Бөлімнің негізгі мақсаты:

         Қазақстан Республикасы азаматтарының тілдік дайындық деңгейін арттыру мақсатында "Биология", "Физика", "Химия", "Информатика" педагогикалық мамандықтарына  мемлекеттік тапсырыс негізінде жоғары оқу орындарына  оқуға түсу үшін оқытуды  ұйымдастыру.

        Бөлімнің негізгі қызметі: 

  • Университеттің тілдік дайындық бөліміне тыңдаушыларды қабылдау;
  • Тыңдаушылардың оқу қабілетін, білім, таным ерекшеліктерін арттыру;
  • Білімдерін тереңдету, қайталау, пысықтау, өз жетістіктерін өздеріне талдату;
  • Өзіндік бағалау әрекеттерін ұйымдастыру;
  • Жаңашыл ғылым мен техниканың жетістіктерін пайдалана отырып, ағылшын тілінде сөздік қорын, ауызша және жазбаша сөйлеу мәдениетін дамыту;
  • Шығармашылық ізденістерін арттыру;
  • Тақырып бойынша тестпен жұмыс жүргізу;
  • Тыңдаушыларды психологиялық тұрғыдан дайындау мақсатында тренингтер өткізу.
  • 1.Тілдік дайындық бөлімдеріне түсу үшін Қазақстан Республикасының азаматтары қабылдау комиссияларына мынадай құжаттарды ұсынады:

          1) еркін түрде жазылған қабылдау туралы өтініш;

          2) орта (жалпы орта), бастапқы кәсіптік (техникалық және кәсіптік), орта кәсіптік (орта білімнен кейінгі) білімі туралы құжаттың түпнұсқасы және оған қосымша;

          3) жеке басын куәландыратын құжаттың көшірмесі;

          4) 3х4 көлеміндегі 6 фотосурет;

          5) 086-У нысанындағы медициналық анықтама.

    2. ЖЖОКБҰ-ның дайындық бөлімдеріне түсу үшін шетелдіктер, Қазақстан Республикасының азаматы болып табылмайтын ұлты қазақ адамдар және Қазақстан Республикасында тұрақты тұратын азаматтығы жоқ адамдар мынадай құжаттарды ұсынады:

          1) еркін түрде жазылған қабылдау туралы өтініш;

          2) білім туралы құжаттың және оған қосымшаның қазақ немесе орыс тіліндегі нотариалды расталған (немесе Қазақстан Республикасының шетелдердегі мекемелерінде куәландырылған) аудармасы;

          3) білім туралы құжат иесінің жеке басын куәландыратын құжаттың көшірмесі;

          4) 3х4 көлеміндегі 6 фотосурет;

        5) № 907 бұйрықпен бекітілген 086-У нысанындағы медициналық анықтама.

           Тұлғаларды оқуға қабылдағаннан кейін, Қазақстан Республикасы Білім және ғылым министрінің 2008 жылғы 10 қаңтардағы № 8 бұйрығымен (Нормативтік құқықтық актілерді мемлекеттік тіркеу тізілімінде № 5135 болып тіркелген) бекітілген Білім туралы құжаттарды тану және нострификациялау қағидаларына сәйкес шетелдік білім беру ұйымдары берген білім туралы құжаттар нострификация рәсімінен өтеді.

    ҰБТ-ға қатысу үшін өтініштерді қабылдауды күнтізбелік жылғы 5 тамыз бен 5 қыркүйек аралығында қабылдау комиссиялары жүргізеді.

         ҰБТ күнтізбелік жылғы 10 – 15 қыркүйек аралығында өткізіледі.

         Дайындық бөлімдерінде оқу күндізгі оқу нысаны бойынша жүзеге асырылады. Сабақ күнтізбелік жылдың 1 қазанынан басталады. Оқыту мерзімі 9 айды құрайды. Дайындық бөлімдерінің тыңдаушыларына мемлекеттік стипендия мөлшері жоғары білім беретін оқу бағдарламаларын іске асыратын білім беру ұйымдарында оқитын студенттердің мемлекеттік стипендиясы мөлшерінің 85 (сексен бес) пайызы деңгейінде белгіленеді.

        Оқу аяқталғаннан кейін дайындық бөлімдерінің тыңдаушылары жоғары білімнің білім беру бағдарламаларын іске асыратын білім беру ұйымдарына түсу үшін Қазақстан Республикасы Білім және ғылым министрінің 2018 жылғы 31 қазандағы № 600 бұйрығымен (Нормативтік құқықтық актілерді мемлекеттік тіркеу тізілімінде № 17650 болып тіркелген) бекітілген Жоғары және жоғары оқу орнынан кейінгі білімнің білім беру бағдарламаларын iске асыратын бiлiм беру ұйымдарына оқуға қабылдаудың үлгілік қағидаларына сәйкес ҰБТ тапсырады.

        Дайындық бөлімдеріне қабылдауға байланысты сұрақтарыңыз болса: 8-701 463 23 54 номеріне хабарласыңыздар.

     

  • Дайындық бөлімдеріне тыңдаушыларды қабылдау ЕРЕЖЕСІ